📍 Kinshasa, 18 Juni 2025 – Tukio la kutisha limetokea leo alasiri katika uwanja wa ndege wa kimataifa wa Ndjili, ambapo trakta ya kampuni ya ATS iliwaka moto ghafla kwenye tarmaki (eneo la kurukia ndege), na kusababisha taharuki kubwa kwa muda mfupi. Kwa bahati nzuri, hakuna mtu aliyejeruhiwa.
Kwa mujibu wa Vicky Lundula, Kamanda wa uwanja huo, trakta hiyo ilikuwa imesukuma ndege ya kampuni ya ASKY na ilikuwa njiani kwenda kusukuma ndege ya Air Congo, kabla ya moto kulipuka.
“Kwa kuwa ilichelewa, waliamua kutumia traketa nyingine ndogo. Ndani ya muda mfupi baada ya kusimama, moto ulizuka ghafla na dereva wa trakta alitoroka eneo hilo,” alieleza Kamanda Lundula.
🚒 Changamoto kwa kikosi cha zimamoto
Kikosi cha zimamoto cha uwanja kilifika haraka, lakini hakikuweza kutumia kifaa kikuu cha kuzima moto mara moja. Badala yake, walilazimika kutumia mishale ya maji ya pembeni ili kuuzima moto huo.
✈️ Hakuna madhara kwa ndege wala abiria
Shukrani kwa uokoaji wa haraka, hakuna mtu aliyeumia na ndege ya Air Congo haikuathirika. Shughuli katika uwanja huo zilirejea kama kawaida muda mfupi baadaye.
Tukio hili limeibua maswali kuhusu hali ya vifaa vya dharura na matengenezo ya magari ya kazi kwenye viwanja vya ndege nchini DRC.
✍️ Mwandishi: MANGWA
📌 #UwanjaWaNdjili #MotoTrakta #Kinshasa #UsalamaWaAnga #MecaMedia