Katika kikao cha ana kwa ana kilichofanyika hivi karibuni kwenye hoteli Serena mjini Goma, Mwakilishi Maalum wa Katibu Mkuu wa Umoja wa Mataifa nchini DRC, Bintou Keita, alimkabidhi ujumbe mzito kwa viongozi wa kundi la waasi la M23-AFC, akiwataka kusitisha mara moja uasi na kuzingatia miongozo ya kimataifa.
🗣️ Maneno ya Keita kwa M23:
“M23 tafadhali, hali ya ukosefu wa usalama mashariki mwa DRC inatosha! Ni lazima mzingatie maagizo mliyopatiwa tangu Aprili. Haya ni pamoja na:
- Kusitisha mapigano mara moja;
- Kujiondoa kwenye maeneo mliyoyakalia – kwani hivi sasa mmekalia zaidi ya 80% ya wilaya ya Rutshuru;
- Kushiriki katika mchakato wa PPDD-RCS;
- Na kurudi kwenye maeneo yenu ya awali kama yalivyokuwa Novemba 2021, kabla ya kuanza mashambulizi dhidi ya vikosi vya usalama, hususan FARDC. Hapo tunamaanisha eneo la Mont Sabyinyo.”
Mazungumzo hayo yalihudhuriwa na viongozi wa juu wa M23-AFC, Corneille Nangaa na Bertrand Bisimwa, ambapo Bintou Keita alieleza wazi kutoridhishwa kwa Umoja wa Mataifa na kuendelea kwa mapigano, hasa katika eneo la Rutshuru ambalo kwa sasa liko chini ya udhibiti mkubwa wa M23.
⚖️ Umoja wa Mataifa Wazidi Kuweka Presha
Kauli ya Bintou Keita inaongeza presha ya kimataifa kwa kundi hilo linalotuhumiwa kwa uvamizi na ukiukaji wa haki za binadamu, hasa katika maeneo ya mashariki mwa Congo. Umoja wa Mataifa kupitia MONUSCO, umeeleza kwamba hatua kali za kisiasa na kidiplomasia zitachukuliwa iwapo kundi hilo litaendelea kukaidi maagizo ya kimataifa.
🕊️ Je, M23 watatii?
Pamoja na msimamo mkali wa Umoja wa Mataifa, bado haijabainika iwapo uongozi wa M23-AFC uko tayari kuanza mchakato wa kujiondoa kwenye maeneo ya mapigano, au ikiwa wataendelea na msimamo wao wa kijeshi licha ya upinzani wa ndani na wa kimataifa.
🔍 Tunaendelea kufuatilia matokeo ya mazungumzo haya muhimu mjini Goma, na tutaendelea kukuletea taarifa rasmi kutoka kwa pande zote zinazohusika katika mzozo huu wa mashariki.
📌 #RDC2025 #Goma #BintouKeita #UNDRC #AmaniMashariki #M23 #Mecamedia